Американскиот глумец и мајстор на боречки вештини Џим Кели, најпознат по улогата во филмот "Enter the Dragon" во кој се појави со легендарниот Брус Ли, почина на 67-годишна возраст...

Неговата поранешна сопруга Мерлин Дишман на новинарите им рекла дека Кели починал од рак во својот дом во Калифорнија, во сабота 29 јуни.

Меѓутоа, Џим Кели не е познат само како глумец од филмската класика од 1973 туку и како првиот црнец мајстор за боречки вештини кој го "скрши ледот" за афроамериканските глумци во овој жанр на филмови.

Кели е роден во Кентаки, а со боречки вештини почнал да се занимава од 1964 година. Подоцна се преселил во Калифорнија, каде отворил школа за карате.