Комедијата за ортаците од крајот кои со помош на „чудесна“ билка одат на факултет ќе добие втор дел.

Раперите Method Man и Redman ги толкуваа главните улоги во филмот How High од 2001 година.

Играа двајца блеачи кои пушат марихуана по цел ден, а кога препаметниот пријател ќе им настрада во бизарна несреќа, од неговата пепел никнува чудесна билка.

Секогаш кога пушат џоинт, нивниот другар се појавува, и успева со совети и финти да ги „напика“ на престижен колеџ.

Раперот Method Man, односно Клифорд Смит, рекол дека во подготовка е продолжение на филмот, но дека постојат одредени проблеми со продукцијата.

„Би сакал да снимиме втор дел затоа што знам дека публиката беше воодушевена од филмот. Се надевам дека проблемите околу продукцијата и сценариото наскоро ќе се решат“, рече тој.