Актерот Вин Дизел објави дека седмиот дел од акцискиот филм "Брзи и бесни" ќе излезе на големиот екран на 11 јули 2014 година...

45-годишната ѕвезда Вин Дизел, кој се приклучи на серијата, го потврди датумот за излегување на филмот и кажа дека можат да се подготват најмалку уште два или три филма. Одбраниот датум не е случаен, бидејќи има за цел да му конкурира на "X-мен", кој излегува една недела подоцна.

Режисерот Џејмс Ван е првиот избор на киностудиото "Universal" за следниот дел од серијата и се очекува да го заземе местото на Џастин Лин, соопштува сајтот "Deadline". Лин ја оживеа серијата, така што ги режираше претходните три дела, како и претстојнито "Брзи и бесни 6", но неодамна го информирал раководството на киностудиото дека нема да се врати за седмиот дел.