Бредли Купер и Џенифер Лоренс освоија по две награди на церемонијата на доделување на филмските награди на MTV во Лос Анџелес...
Тие ги добија статуетките за најдобра машка и најдобра женска улога за учество во "Прирачник за оптимисти", а подоцна ја зедоа и наградата за најдобар бакнеж од истиот филм. При донесувањето на втората статуетка Купер изјави: "Џенифер не е тука, но беше одлично да ја бакнувам".
Адам Сандлер и Крис Рок се качија на сцената, за да ја врачат наградата во форма на кутија златни пуканки на Џејми Фокс и Семјуел Л Џексон за најдобар WTF момент за "Џанго без окови". Зое Салдана, Закари Кинто и Крис Пајн ја објавија наградата за кастингот на "Одмаздници" за најдобри борбени сцени. Таа беше прифатена од Том Хиделстон, Џос Ведон, Крис Еванс и Семјуел Л Џексон.
Подоцна Џос Ведон ја однесе статуетката и за филм на годината за "Одмаздници", а наградата му беше врачена од Бред Пит.
Том Хиделстон ја зеде наградата за најдобар негативец за улогата на Локи во "Тор", а водечката Рибел Вилсон ја однесе статуетката за пробив за улогата во "Целосно совршено" и ја сподели наградата за најдобро музичко претставување со своите колеги од истиот филм.
Актерот од "Самрак" Тејлор Лаутнер ја однесе наградата за најдобро претставување без кошула и се пошегува дека староста се одразува на неговата импресивна физика. "За сите нас, актерите без кошули, тоа е нешто како да заработите Оскар", рече тој со насмевка.
Џејми Фокс ја доби наградата MTV Generation award, втората за него за вечерта. А Вил Ферол ја однесе статуетката за комичен гениј.
