Филмската адаптација на истоимениот роман на францускиот автор Карил Фере ќе го затвори овогодинешниот фестивал во Кан.

Премиерата на филмот на Жером Сал „Зулу“ со Оскаровецот Форест Витакер и Орландо Блум во главните улоги, на 26 мај ќе биде спуштена завесата на 66 Филсмки фестивал во Кан кој на 15 мај ќе го отвори филмот „Големиот Гетсби“ со Леонардо ди Каприо во главната улога.

Дејствието на филмот „Зулу“ е сместено во Кејп Таун каде што уште владее атмосфера на апартхејд, а во центарот на приказната се двајца полицајци кои го истражуваат убиството на едно девојче.

Жирито на овогодинешниот фестивал ќе го претседава американскиот режисер Стивен Спилберг.