Последниот филм на Квентитн Тарантино, „Разузданиот Џанго“ е отстранет од репертоарот во кино-салите во Кина по првиот ден на прикажување.

И покрај повеќенеделната промоција и исфрлување на поединечни сцени за тој филм да биде прифатлив за кинескиот пазар, кино-салите го повлекле од репертоарот.

Вработените во две кина во Пенкинг изјавиле дека наредбата стигнала од увозникот, корпорацијата Кина Филм која се повикала на „технички проблеми“ во врска со „Разузданиот Џанго“, не прецизирајќи за што се работи.

Од „Разузданиот Џанго“ се исфрлени некои сцени на насилство за филмот да го одобри цензурата која во Кина е ригорозна. Сепак и со таков систем, повлекувањето на филмот по првиот ден на прикажување е невообичаено.