Актерот пред неколку дена излегол од затвор и веднаш и се приклучил на екипата на снимањето на третиот дел „Платеници“.

Весли Снајпс, кој зад решетки беше 27 месеци поради притајување на данок, веќе почна да ја снима улогата која само за него ја напишал Силвестер Сталоне.

Сталоне во почетокот на месецот на Twitter напиша дека вредно работи на сценариото и едвај чека да му се придружат акционите херои Весли Снајпс и Арнолд Шварценегер.

Првиот дел од „Платеници“ е снимен 2010 година, а собра акциони легенди какви што се Сталоне, Мики Рурк, Шварценегер и Брус Вилис, и заработи 274 долари на благајните.

Во вториот дел од минатата година, Рурк не играше, но во екипата беа Жан Клод Ван Дам и Чак Норис, а филмот заработи 284 милиони долари.

Во третиот дел, кој во кино-салите треба да стигне наредната година, Рурк се врати, а Сталоне повторно ветува спектакл.