Група обожаватели мисли дека документарниот филм за Michael Jackson се темели на следење на лошата здравствена состојба на легендарниот пејач. Најверните фанови на починатиот Michael Jackson се спремаат за протести пред кината во кои утре ќе се одржи премиерната изведба на документарниот филм This Is It, кој ќе ги прикаже последните недели од животот на кралот на поп-музиката, за време на пробите за никогаш неодржаната последна турнеа.



Под паролата This Is Not It, фановите ќе делат летоци пред кината, но нема да повикуваат на бојкот на филмот. Според зборовите на лутите фанови, главниот проблем е во тоа што со филмот ќе се прикаже во колку лоша физичка и ментална состојба бил Jackson во текот на пробите.