Акциониот хит од деведесетите ќе добие дури две продолженија, а се враќаат истите вонземјанци.

„Ден на независноста“ од 1996 година беше приказна за Земјата која се подготвува за претстојната инвазија на вонземјанци, „најавена“ за 4 јули, американски празник - Ден на независноста.

Дејството на продолжението ќе биде сместено 20 години по првиот дел, а ќе се вика ID Forever (Ден на независноста засекогаш), прв и втор дел.

Режисерот Роланд Емерих за филмскиот печат кажа дека ќе се вратат истите вонземјанци од првиот дел.

„Ни ја оставија сета таа ‘жива’, органска технологија која не умееме да ја користиме, туку само да ја контролираме. Тие се враќаат по наши 20 години, но за нив поминало само неколку недели, затоа што поминуваат низ своевидни дупки во вселената“, објасни Емерих, ако тоа можеме да го наречеме објаснување.

За сега е јасно дека ќе се врати Бил Пулман, кој играше во првиот дел, а не се знае дали Вил Смит ќе ја репризира својта улога.