Продуцентите најавуваат дека 24 филм за тајниот агент во кино-салите ќе пристигне до 2016 година.

Филмското студио MGM соопшти дека новиот „Бонд“ во кино-салите ќе пристигне во наредните три години, а сценариото наскоро би требало да биде завшрено.

На конференцијата на инвеститорите претседателот на MGM, Гери Барбер, потврди дека во тек се подготовките за 24 филм за Џејмс Бонд и дека ако не овој, тогаш наредниот месец ќе го соопштат името на новиот режисер. Даниел Крејг останува во улогата на Бонд.

„Возбудени сме поради франшизата и едвај чекаме да го соопштиме името на режисерот. Сценариото наскоро ќе биде готово, а филмот во кино-салите пристигнува во наредните три години. Сем Мендез направи неверојатна работа со филмот Skyfall, на што ќе му бидеме многу благодарни.“

Благодарението до Мендез не зачудува затоа што со последното продолжение на сагата за Бонд и првиот дел од трилогијата „Хобитот“ MGM и Sony тројно ги зголемија приходите во 2012 година. Двата филма на кино благајните заработија повеќе од милијарда долари.