Злогласниот британски пират кој бил страв и трепет за Карипското море од 1716 до 1718 година, ќе го игра популарниот Џон Малкович во серијата Crossbones.

За сценариото е задолжен Ник Крос, кој пишуваше за серијата „Лутер“, а која е емитувана на BBC. Првата од десет епизоди во серијата, во продукција на американската телевизиска куќа NBC, ќе биде емитувана следната година.

Дејството на серијата Crossbones е сместено во 1715 година на островот Њу Провиденс, на Бахамите, каде Едвард Тич, попознат под прекарот Црнобрад, владеал над група крадци, отпадници и морнари.

„По три децении, Џон Малкович зазема посебно место во светот на меѓународниот филм, театар, па дури и опера. Возбудени сме со можноста неговата брилијатна актерска вештина да ја прикажеме и на малите екрани“, рече еден од продуцентите на серијата.

Улогата на познатиот пират првобитно му била понудена на Хју Лори.