Претстоечкиот филмски фестивал во Кан ќе биде отворен од екранизацијата на еден од најдобрите американски романи од 20 век - „Големиот Гетсби“.

Организаторите на фестивалот, со кои конечно претседава Стивен Спилберг, соопштиле дека остварувањето на Баз Лурман со Леонардо Ди Каприо во главната улога ќе го отвори овогодинешниот Кан.

Австралискиот режисер вели дека неговиот филм има и француска врска затоа што Френсис Скот Фицџералд напишал некои од „највпечатливите и најубавите делови од ‘Големиот Гетсби’ во вилата на француската ривиера близу Кан“.

Во филмската адаптација на романот од 1925 година играат уште и Тоби Мегвајер и Кери Малиган, а во првата екранизација од 1974 играа Роберт Редфорд и Миа Фероу.