Погледнете како Ема Вотсон глуми подивеана холивудска старлета.

Филмот Bling Ring на Софија Копола наскоро ќе пристигне во кино-салите, а инспириран е од група тинејџери кои ги ограбувале домовите на познатите. Меѓу жртвите биле Парис Хилтон, Линдзи Лохан, Орландо Блум и многу други.

Ема Вотсон ја глуми „главната риба“ во групата тинејџери во Лос Анџелес, кои од здодевност решиле да станат криминалци и да ги ограбуваат куќите на познатите.

Се проценува дека припадниците на Bling Ring само од Парис Хилтон украле накит вреден повеќе од два милиони долари. Четири девојки и три момчиња се уапсени, и моментално се во затвор.

Најпозната меѓу нив е Алексис Нахерс (21), која благодарение на „достигнувањата“ во ограбувањата доби и свое реално шоу Pretty Wild, пред да биде испратена во затвор.