Оскаровецот Сем Мендез нема да го режира следното продолжение на филмот за најпознатиот филмски таен агент.

За списанието Empire Мендез, кој со остварувањето Skyfall на франшизата и го врати стариот сјај, вели дека одлуката ја донел на „тешко срце“.

„Не беше лесно да се одбие повикот затоа што работата на тој филм беше едно од најдобрите искуства во мојот живот. Сепак, имам премногу други проекти и филмски и театарски поради кои не можам да се посветам на наредниот филм за Бонд во целост и затоа не сакам да работам на него“, кажа Мендез.

Последниот филм за Бонд е најуспешен во франшизата со заработка поголема од милијарди долари, но и два Оскари.

Во наредниот филм за агентот 007 фановите нема да ја видат ни Џуди Денч, која порано рече дека „дава отказ на местото на шефица на Бонд“, но улогата на Бонд и понатаму останува во рацете на Даниел Крејг.