Новиот, шести филм од популарната франшиза во кино-салите би требало да пристигне во септември 2014 година.

Минатогодишното продолжение „Притаено зло: Одмазда“ е најуспешен филм во серијалот со заработени 221,8 милиони долари, а режисерот Пол В.С. Андерсон на премиерата кажа дека фановите можат да очекуваат барем уште еден дел.

И шестото продолжение ќе биде инспирирано од истоимената игра, а Мила Јовович повторно ќе ја игра бестрашната хероина.

Снимањето би требало да почне веќе оваа пролет, а околу што ќе се врти дејството на шестиот дел се уште не е познато.