"The Hobbit: Unexpected Journey" му се придружи на ексклузивниот клуб од 15 блокбастери кои со својата заработка ја надминале сумата од милијарда долари во светската дистрибуција...

Филмот на Питер Џексон, кој само во првата недела од прикажувањето забележи заработка од 84,6 милиони долари, заработи вкупно 1.001.134.992 долари, а за тој резултат му беа потребни 77 дена.

Се очекува по прикажувањето во Кина, каде само што пристигна во кината, резултатот значително ќе се подобри и ќе ги надмине "The Dark Knight" и "Alice in Wonderland", два филма кои во овој момент на споменатата листа се наоѓаат пред него.

На врвот на листата сеуште се наоѓа "Avatar" на Џејмс Камерон, кој од 2009 до денес има заработено 2.78 милијарди долари.