Актерката преговара за улогата во филмот за Пепелашка, кој ќе го сними студиото „Дизни“.

Симпатичната Хермиона од серијалот филмови за Хари Потер е прв избор за улогата на Пепелашка во филмската адаптација на бајката, која ќе ја режира сер Кенет Брана.

Улогата на лошата маќеа веќе е доделена, ќе ја игра Кејт Бланшет, а Брана преговара со Вотсон за толкување на насловната улога.

Сценариото на филмската бајка го напишал режисерот на еден од филмовите од „Самрак сагата“, Крис Вајц, а снимањето ќе почне кон крајот на оваа година.

Се очекува играната верзија на „Пепелашка“ на студиото „Дизни“ во кино салите да пристигне кон средината на 2014 година.