Шведската актерка Нуми Рапас потврди дека во подготовка е сценариото за вториот дел од филмот.

„Неодамна се сретнав со Ридли во Лондон и ми потврди дека работат на новото сценарио, само мораме да пронајдеме вистинска приказна која ќе ги поврза сите ликови“, откри Рапас.

Нуми се надева дека продолжението ќе развие многу филозофски теми претставени во првиот филм.

„Интересно е што повеќето луѓе со кои разговарав за првиот филм истите работи ги гледаат целосно различно. Некои луѓе, кои филмот го гледале неколку пати, секогаш откривале нови детаљи. Во филмот се појавуваат многу религиозни аспекти и се водат интересни разговори. Навистина би сакала да снимиме уште еден филм.“

Дејмон Линделоф, кој го напиша сценариото за првиот филм, порано изјави дека не планира да и се враќа на оваа приказна, а Нуми не можеше да каже кој ќе биде новиот сценарист.