Познатите сценаристи и помагаат на оскаровката околу наредниот проект.

Анџелина Џоли ќе го режира филмот за Лу Замперини, олимписки спортист кој завршил во јапонско заробеништво за време на Втората светска војна.

Браќата Итан и Џоел Коен ќе го адаптираат сценариото на филмот за американскиот тркач чиј авион се срушил во Пацификот, и преживеал 47 дена на мал сплав, а потоа паднал во раце на јапонската морнарница и во заробеништво поминал две и пол години.

Браќата Коен се познати како сценаристи и режисери на филмовите „Големиот Лебовски“, „Фарго“, „Нема земја за старци“ и други, а овој пат своите услуги ќе и ги отстапат на Анџелина Џоли.