Уште не е официјално потврдено, но холивудските печати пишуваат дека убавата актерка ќе ја толкува новинарката во новиот филм за Нинџа желки.

Мајкл Беј, авторот на филмовите за Трансформери во кои играше Меган Фокс, вели дека почнал да се подготвува за снимање на филм кој нема да го режира, туку ќе биде извршен продуцент и дека „Меган се враќа во семејството“.

Оваа кратка реченица им беше доволна на филмските списанија како потврда на поранешните нагаѓања дека Меган ќе ја игра новинарката Ејприл О’Нил.

Меган од серијалот за Трансформери „доби отказ“ откако рече дека Мајкл е тиранин кој на снимањето се однесува како Хитлер.

Кој ќе им ги позајми гласовите на популарните желки се уште не е познато.