Последниот дел на сагата за вампирите и врколаците однесе седум награди за најлоши достигнувања.

Златните малини традиционално се додекуваат вечерта пред доделувањето на Оскар, а филмот „Самрак сага: Зазорување 2“ освои дури четири парчиња.

Покрај тоа што е најлош филм и продолжение за 2013, Кристен Стјуарт е најлоша актерка, Тејлор Лотнер е најлош спореден актер, а целата екипа на филмот - најлоша филмска екипа. Режисерот на „Самрак“ Бил Кондон е најлош режисер, а најлош филмски пар се Лотнер и девојчето Мекензи Фој.

Филмот на Адам Сандлер „Тоа е мојот син“ освои две награди, за најлошо сценарио и Сандлер за најлоша главна машка улога.

Ријана исто така беше „почестена“ на доделувањето на Златните малини, па доби награда за најлоша женска споредна улога („Воен брод“).

Основачот на Златните малини Џон Вилсон кажа за американскиот печат дека оценката на „Самрак“ не смее да се основа на одличниот успех во кино-салите.

„Постојано слушаме како 40 милиони луѓе го гледале тој филм, но да бидеме реални, тоа всушност се само осум милиони тинејџерки кои оделе да го гледаат по пет пати“, кажа тој.

Сега знаеме кои се најлоши филмови, а кои се најдобри, ќе дознаеме вечерва на доделувањето на Оскарите.