Актерката ќе работи повторно со режисерот Мајкл Беј, но не на следниот "Трансформерс", туку во филмот "Нинџа желки"...

Беј прекина секакви односи со убавицата уште во 2010 година, кога таа го спореди со Адолф Хитлер по учеството во "Трансформерс: Одмазда". Потоа ѕвездата беше заменета со не помалку убавата Роуз Хантингтон-Вајт.

Но, денес по се изгледа дека двајцата ја "закопале секирата" и се подготвени да продолжат понатаму во името на кариерата.

Во пораката на својот сајт Мајкл изјави: "За "Нинџа желките" ја враќаме Меган Фокс назад во семејството". Бројни извори додаваат дека убавата Меган ќе ја глуми Ејприл О`Нил - најдобрата пријателка на експертите по боречки техники, кои се кријат во канализацијата.

Информациите за улогата на Мајкл во проектот, сепак, се контрадикторни. Според некои извори тој ќе биде само продуцент, а не режисер на продукцијата.