Продолжението на филмот во кино-салите пристигнува следната година.

„Зора на планетата на мајмуните“ ќе биде продолжение на „Издигнување на планетата на мајмуните“ од 2011 година.

Во тој филм, главната улога ја толкуваше Џејмс Франко, кој кажал дека неговиот лик ќе се појави во продолжението. Енди Серкис, фамозниот Голум од „Господарот на прстените“, ќе се врати во улога на шимпанзото Цезар.

Дејствието во филмот ќе биде сместено 15 години по претходниот, а не е познато кои ликови ќе ги следи. За сега се знае само дека главната улога му е наменета на Џејсон Кларк, ѕвездата на филмот Zero Dark Thirty.

„Зора на планетата на мајмуните“ би требало да се појави во кино-салите во мај следната година.