Списанието Vanity Fair направило табела во која се прикажани сите смртни случаи и често бизарни причини за смрт во филмовите на Квентин Тарантино.

Режисерот, кој обожава сцените на убиство да ги прикаже на што пореалистични или, како што некои би кажале, поморбиден начин, во филмот „Проклети копилиња“ направил вистински масакр со дури 396 убиени личности, меѓу кои е и самиот Хитлер.

Сепак, другиот дел од оваа необична трилогија, „Одмаздата на Џанго“ не е толку крвав, во него се убиени „само“ 64 луѓе.

Иако се очекуваше на оваа листа да водат филмовите Kill Bill, во кои поединечни сцени се црно-бели токму поради крвта која шприца на сите страни, во нив страдале вкупно 75 личности (62 во првиот, 13 во вториот).

Во легендарното остварување „Евтини приказни“ страдале само седум ликов. Во овој како и во останатите негови филмови, причините за смртта се детално прикажани и често предизвикани од бејзбол палки, мечеви, голи раце, но има прикажано и страшни сцени во кои бесни кучиња распарчуваат жива личност...

Кога се ќе се собере, Тарантино на смртна казна во своите филмови има осудено 560 личности.