Во интервју од пред 50 години кое неодамна е откриено, славниот режисер Алфред Хичкок изјавил дека филмот „Психо“ требало да биде комедија, а не хорор.

Филмот „Психо“ на Алфред Хичкок по општите оценки е еден од најдобрите хорор филмови во историјата на кинематографијата.

Но, славниот режисер, воопшто немал таква идеја, односно не сакал тој филм да биде хорор, туку комедија?!

Таа негова мисла и идеја откриена е дури сега, кога е пронајдена лента со негово интервју кое го дал во 1964 година, а кој е пронајден во архивите на BBC.

„Бев запрепастен кога видов дека луѓето тој филм го доживуваат толку сериозно“, гласи една од речениците на Хичкок за филмот „Психо“, кој во 60-тите години, кога е снимен, на многумина им влевал страв во коските и не смеале да ги гледаат оние сцени под тушот.

Хичкок кажал дека идејата му била тој филм да се сфати како црн хумор, а не како остварување од кое на луѓето ќе им застанува здивот.

Сето ова го открил во 1964 година, односно четири години откако филмот е прикажан премиерно.

„За мене целиот тој филм беше забавен, голема шега. Бев запрепастен кога сфатив дека луѓето се плашат и дека го доживуваат толку сериозно. Беше намера луѓето да врескаат и да викаат, но ништо повеќе од она кога се возат во лунапарк. Затоа не смеете да одите предалеку, затоа сакате луѓето, по возењето, задоволно да се кикотат“, изјавил Хичкок, кој починал во 1980 година.

Хм, дали некој се смее додека го гледа тој филм?

И ден-денеска, „Психо“ се смета за најголемо остварување на големиот Хичкок. Само во САД тој филм има заработено 32 милиони долари и се смета за еден од највлијателните филмови некогаш снимени.