Серијата Entourage следи еден младич од Квинс кој неочекувано станува холивудска ѕвезда, и неговата екипа другари од Квинс му се придружуваат во Лос Анџелес.

Приказната е базирана на доживувањата на актерот Марк Волберг, номиниран за два Оскари.

По осум сезони, последната епизода е прикажана кон крајот на 2011 година. Главните улоги ги толкуваат Ејдријен Грениј, Џереми Пивен, Деби Мазар, Емануел Шрики, Кевин Килон и други.

Пивен потврди дека наскоро почнува снимање на филм по серијата, а не е познато кој ќе и се придружи на екипата. Филмот ќе го режира авторот на серијата Даг Елин, по сопствено сценарио.