Marvel потврди дека популарниот лик од стрипот ќе се појави на големо платно.

Ликот на Доктор Стрејнџ го креирале Стен Ли и Стив Дитко во шеесетите години на минатиот век, а директорот на продукцијата Marvel Кевин Фејж кажал дека тој лик ќе добие свој филм.

Marvel ужива во успехот на екранизацијата на стриповите како што се Iron Man и Avangers и планира неколку остварувања со кои ќе ги израдува фановите на стрипот.

„Во план е снимање на филм за Доктор Стрејнџ, а потоа ќе се позабавуваме и со Човекот Мравка“, рече тој.

Доктор Стрејнџ е успешен, но себичен неурохирург, кој по автомобилска несреќа ја губи можноста за користење на раката. Поради неконтролирано тресење и губење на чувството, не може повеќе да оперира, и тргнува на пат за да го пронајде лекот. Завршува на Хималаите, каде што ги учи Древните мистични вештини и станува најмоќниот магионичар на светот.