Филмот за американскиот претседател ги однесе главните награди на доделувањето на SAG признанијата.

Здружението на филмски и телевизиски актери (SAG) го одржа своето традиционално доделување на наградите во недела навечер, а две награди доби филмот „Линколн“. Награден е главниот актер Даниел Деј Луис, како и споредниот Томи Ли Џонс.

Меѓу актерките се издвоија Џенифер Лоренс, наградена во главната улога во филмот Silver Linings Playbook и Ен Хетавеј како споредна улога во мјузикалот „Клетници“.

Здружението SAG колективното признание за најдобар актерски ансамбл му го додели на филмот Argo со Бен Афлек во главната улога.

За телевизиски улоги, категорија драма, наградени се Брајан Кренстон (Breaking Bad) и Клер Дејнс (Homeland), односно Алек Болдвин и Тина Феј во категоријата комедија (30 Rock).

Најдобар телевизиски драмски ансамбл е Downton Abbey, а комичен екипата на серијата Modern Family.

За улогата во телевизиски филмови наградени се Кевин Костнер (Hatfields & McCoys) и Џулиен Мур (Game Change).