Иако не му појде од рака да оствари големо враќање со филмот "The Last Stand", кој е воедно и првиот сериозен глумечки зафат од 2003, Арнолд Шварценегер не се предава и се враќа на улогата по која е најпознат...
Во разговор со новинарот Блидинг Кола, глумецот потврдил дека е поврзан со петото продолжение на "Терминатор", а режисер на филмот би требало да биде Џастин Лин ("Fast Five"). Сепак, прашање е во која мера Арни е поврзан со филмот и за колку голема улога се работи.
Вреди да се спомне и дека ова не е единственото продолжение со кое е поврзан. Веќе пишувавме за комедијата "Близнаци", а со Шварценегер и Дени де Вито, во филмот ќе се појави и Еди Марфи. Секако, не смееме да ја заборавиме и улогата на легендарниот варварин кој ќе се врати во "Conan The Conqueror". Во секој случај, ова ќе биде занимлива година за акциската ѕвезда.
