Актерот потврди дека ќе игра во продолжението на филмот Sin City.

Режисерот на продолжението на филмот по графичката новела на Френк Милер Sin City: A Dame To Kill For, Роберт Родригез, ги потврди пишувањата на медиумите дека и Брус Вилис ќе ја репризира својата улога.

„Брус се врати. Точно е дека ќе го видите во продолжението“, кажа Родригез.

Покрај тоа, режисерот потврди дека во продолжението ќе се појави и Џозеф Гордон Левит кој ќе го игра коцкарот Џони.

„Тој ќе игра многу самоуверен коцкар кој во Градот на Гревот доаѓа за да го победи најголемиот негативец.“

Своите улоги во продолжението кое во кино-салите стигнува во октомври веќе ги потврдија Мики Рурк, Џесика Алба и Росарио Досон кои играа во првиот дел, а со Брус екипата е комплетирана.