Бившиот боксер не се откажува од глумата. По големото платно, ќе се појави и на малите екрани и тоа во една од најпопуларните серии.

По помалите комични улоги во двете продолженија на филмот „Мамурлак“, Мајк Тајсон во серијата „Закон и ред: Одделение за специјални жртви“ ќе има сериозна улога на убиецот Реџи Родес, и иако не се игра себеси, улогата неодоливо потсеќа на неговата живатна приказна.

Имено, Родес имал многу тешко детство, често проткаено со насилство, поради што и тој сам станал насилник и убиец...

Се уште не е познато во колку епизоди ќе се појави Тајсон и кога фановите на серијата ширум светот ќе можат да го видат во улога на убиец.