Последното продолжение на сагата за вампири е номинирано во дури 11 категории за најлоши филмови во 2012 година.
Филмот „Самрак сага: Зазорување 2“ е номиниран за 11 Златни малини, меѓу кои се најлош филм, најлош главен актер и актерка - Роберт Патинсон и Кристен Стјуарт, најлоши споредни улоги - Тејлор Лотнер и Ешли Грин.
Номинација заработи и режисерот Бил Кондон, а филмот има номинации и за налоши филмски парови, Стјуарт и Патинсон, како и Лотнер и малата Мекензи Фој. Да не ги заборавиме ни категориите за сценарио, продолжение и најлоша актерска екипа.
Во конкуренција за најлоши филмови се и Battleship, Oogiloves, That's My Boy и A Thousand Words.
„Вампирот“ во категорија за налош актер се бори против Адам Сандлер (That's My Boy), Тајлер Пери (Alex Cross и Good Deeds), Николас Кејџ (Ghost Rider: Spirit of Vengeance и Seeking Justice) и Еди Марфи (A Thousand Words).
Пери е номиниран и во женска категорија, за улогата на Мадеја во филмот Madea's Witness Protection, каде што Кристен Стјуарт е номинирана за „Самрак“ и за „Снежана и Ловецот“. Останати конкурентки се Кетрин Хејгл (One For The Money), Барбра Страјсенд (Guilty Trip) и Мила Јовович (Resident Evil: Retribution).
Доделувањето на Златни малини традиционално ќе биде пред врачувањето на Оскарите, односно на 23 јануари оваа година.
