По серијата „Очајни домаќинки“, убавата актерка ќе се најде зад ликот на трапава домаќинка во нова анимирана серија за возрасни.

Ева Лонгорија ќе го позајми гласот на главниот лик, жена која одлучува да остави добро платена работа и да се посвети на семејството во серијата Mother Up!. Иако се звучи како идилична серија за семејство, мајката баш и не е фина...

„Таа е луда, неодговорна мајка, таква каква што ниедна мајка не сака да биде. На секој проблем поврзан со родителство таа одговара со помалку бизарни импровизации“, вели Лонгорија за ликот на жената кој не се разликува многу од Габи од „Очајни домаќинки“.

Актерката вели дека и годи што го позајмува гласот на анимиран лик затоа што така ќе има повеќе слобода отколку кога се во прашање вистински улоги.

Серијата во чија продукција учествува и Ева, на малите екрани би требала да стигне кон крајот на летото.