Режисерот Квентин Тарантино откри дека би сакал да работи со Џони Деп и додаде дека тоа и ќе се случи - штом му најде одговарачка улога.

Гостувајќи во едно телевизиско шоу, режисерот на филмовите „Евтини приказни“ и „Убиј го Бил“ рече дека со Деп веќе со години разгледуваат соработка, затоа што двајцата си се меѓусебни обожаватели.

„Би сакале да работиме заедно. Со години зборуваме за тоа. Очигледно е дека ни се допаѓа работата на оној другиот. Мораме само да најдеме одговарачки лик. Јас морам да напишам одговарачки лик за Џони и ако се согласи, ќе го сториме тоа. А тогаш тоа ќе биде магија“, рече Тарантино.

Најновиот филм на Тарантино, Django Unchained со Џејми Фокс, Леонардо Ди Каприо и Кристоф Волц неодамна се појави во светските кино-сали.