Во годината кога Бонд прославуваше половина век, последниот филм за тајниот агент 007 стана прв од 23 остварувања со заработка поголема од милијарда долари.
Skyfall во САД заработил 289.600.000 долари, а во светот 710.600.000 долари и така стана прв филм за Џејмс Бонд кој заработи толку пари во својата историја долга половина век.
Се очекува дека филмот, кој го режираше оскаровецот Сем Мендез, да заработи уште повеќе во новата 2013 година и премиерно ќе биде прикажан во најнаселената земја - Кина.
Досегашниот рекорд по заработка го држеше Casino Royal кој во 2006 година заработи 597.365.000 долари и во кој во улогата на Џејмс Бонд за прв пат се појави русокосиот Даниел Крејг.
