Култната научно-фантастична серија Doctor Who наскоро би можела да добие и своја филмска верзија.

Сценаристот Стивен Мофет вели дека со причина верува дека од серијата која прв пат на малите екрани стигнала во далечната 1963 година ќе настане и филм.

Британските медиуми пишуваат дека снимањето би можело да почне наредната година, затоа што Мофет во јули оваа година идејата за снимање на филм на основа на популарниот ситком ја нарече „изопачена фантазија“, а сега цврсто верува во неговото снимање.

„Тоа ќе се случи еден ден. Не знам како ќе го изведеме тоа, но јас ќе бидам многу среќен кога ќе ги видам сите тие ликови на големото платно“.

Со повеќе од 700 емитирани епизоди, серијата во која десет различни актери го толкувале Господарот на времето, е и во Гинисовата книга на рекорди.

За својата долговечност серијата може делумно да и се заблагодари на своите легендарни негативци, но и тоа што главниот лик ја има моќта на регенерирање и преобразување, поради што и поради уведувањето на нови актери, серијата успеа да ја задржи својата актуелност.