Првиот дел од трилогијата веќе две недели „растура“ по благајните ширум светот и за сега има заработено околу 150 милиони долари. Предвидувањата се дека до крајот на годината ќе заработи уште толку.

Питер Џексон уште еднаш се покажа како мајстор на својот занает. Неговиот прв филм за авантурите на Билбо Багинс во втората недела од прикажувањето заработи неверојатни 36,7 милиони долари, а далеку зад него е Jack Reacher со Том Круз со само 15,6 милиони.

Трет, со заработка од „само“ 12 милиони, е This Is 40 во кој глуми убавата Меган Фокс, и танцува „татинг“.

Меѓу првите се и Rise of the Guardians и Lincoln чија заработка во втората недела од прикажувањето е пет милиони и 900.000, односно пет милиони и 600.000 долари.

„Хобитот: Неочекувано патување 3D“ беше еден од најочекуваните филмови оваа година па вака добрата заработувачка и не изненадува, а според пишувањето на филмските списанија поголемиот број фанови филмот го гледале најмалку два пати.