Актерот Марк Волберг најавува продолжение на комедијата на годината.

„Тед“ е филм за момче кое посакало неговото плишано мече да оживее и пораснува со „живо“ мече кое, како што поминуваат годините, станува се побезобразно и склоно кон пороци.

„Ако ви се допадна првиот дел, знајте дека вториот дел ќе биде целосно ‘болен’“, рече Волберг.

Сет Мекфарлан, авторот на серијата Family Guy, дебитираше како режисер на филмот „Тед“, и му го позајми гласот токму на мечето.

„Идеите на Сет за вториот дел се потполно урнебесни. Бидејќи со години работи на телевизија, знае да раскаже приказна на еден сосема поинаков начин од оној на кој што сме навикнати“, рече Волберг.