Вториот дел од филмската адаптација на популарниот стрип во кино-салите би требало да се појави во 2015 година.

Само што почна прикажувањето на првиот дел од трилогијата „Хобитот“, а режисерот Питер Џексон потврди дека веќе следната година ќе почне со снимање на продолжение на филмот за авантурите на Тинтин.

Режисерот Стивен Спилберг кој го режираше првиот филм „Авантурите на Тинтин: Тајната на еднорогот“ вели дека вториот дел ќе биде поврзан со Ержовиот стрип „Затвореникот на сонцето“.

Снимањето на новиот Тинтин паралелно ќе се одвива со снимањето на вториот дел на „Хобитот“ кој во кино-салите ќе треба да се појави во декември 2013 година.