За начнофантастичниот трилер Oblivion на режисерот Џозеф Косински е објавен првиот трејлер, а Том Круз е во улога на војник кој се обидува да ја спаси планетата Земја од целосна пропаст.

Дејството на филмот е сместено во постапокалиптичен свет, во кој осамен војник (Том Круз) се обидува да се спротистави на инвазијата на вонземјанци.

Цивилизацијата се наоѓа над облаците, додека по површината на планетата се движат вонземски мршојадци. Авантурата почнува кога робот пронаоѓа жена во мал вселенски брод кој се срушил на планетата.

Покрај Круз во филмот играат Морга Фримен, Олга Кириленко и Андреа Рајзенборо. Oblivion во кино салите треба да пристигне во април 2013 година.