Филмот на Тим Бартон од 2010 година ќе добие продолжение, соопшти студиото Disney.

Верзијата на Бартон на приказната за Алиса, Лудиот Шапкар, Белата и Црвената Кралица и остатокот од шарената екипа од Земјата на чудата, заработи повеќе милијарди долари на кино-благајните. Главните улоги ги толкуваа Миа Вашиковска, Џони Деп, Хелена Бонхам Картер, Ен Хетавеј и други.

Додека публиката одлично ја прифати „Алиса“ на Бартон, критиката не и беше наклонета, но Disney сеедно најавува продолжение кое го пишува Линда Вулвертон („Убавицата и ѕверот“, „Кралот лав“).

Не е познато кој од екипата, освен Алиса, ќе биде во продолжението на филмот затоа што сценариото е во фаза на создавање.