Skyfall постави нов рекорд - со најголема заработувачка на британскиот бокс-офис на сите времиња.

Новиот филм за Џејмс Бонд, со Даниел Крејг во главната улога, заработи неверојатни 94,277,612 фунти по само 40 дена прикажување.

Со тоа го сруши рекордот кој претходно го држеше Avatar, со 94,025,632 фунти заработени по 11 месеци прикажување.

Британскиот режисер Сам Мендез го режираше хитот, а освен Крејг во филмот глумат и Хавиер Бардем како Раул Силва и Џуди Денч како М.

Продуцентите Мајкл Џ. Вилсон и Барбара Броколи кажа: „Многу сме и благодарни на публиката во Британија која го направи skyfall филм со најголема заработувачка на сите времиња.

Многу сме горди на овој филм и им се заблагодаруваме на сите, посебно на Даниел Крејг и Сем Мендез, кои имаат голема улога во успехот на овој филм.“

Во септември, Даниел Крејг потпиша договор да се појави во уште два филмови за Бонд, со тоа давајќи и на франшизата „дозвола да убие“ уште неколку бокс-офис рекорди.