Популарната цртана серија ќе добие верзија за големото платно.

Авторот на серијата Family Guy, Сет Мекфарлан рече за американскиот печат дека сигурно ќе се снима долгометражен филм.

Цртаната серија за „обично“ американско семејство во која кучето зборува, а бебето е злобен гениј, важи за омилена телевизиска забава на милиони гледачи. Family guy често се опишува како побрутална верзија на The Simpsons.

„Сигурно ќе направиме филм. Не сакам да брзам, затоа што тешко е да се работи на серија и филм во исто време, но знајте дека проектот е во подготовка“, рече Мекфарлан.

Тој додаде дека не сака да брза во пишувањето на сценариото, за да не направи некоја „глупост“ како со филмот за Хомер, Барт и екипата.

„Филмот за The Simpsons беше добар, но заплетот беше приказна која може да биде сместена во една епизода. Ние ќе направиме нешто посериозно“, рече Мекфарлан.

Family Guy засега има 11 сезони, а гласовите на ликовите ги позајмуваат Мекфарлан, Мила Кунис, Сет Грин и други.