Брус Вејн повеќе нема да се крие зад маската на човек-лилјак.

Наредниот филм за Бетмен, Justice League, во кино-салите пристигнува во 2015 година, а главната улога ќе ја игра Џозеф Гордон Левит, актерот кој во „Издигнувањето на мрачниот витез“ го играше љубопитниот полицаец Џон Блејк, на кого Бетмен на крајот му го откри своето „кралство“.

Со оглед на тоа, филмските списанија пишуваат дека за прв пат алтер егото на Бетмен нема да биде Брус Вејн, туку токму полицаецот Џон Блејк.

Снимањето би требало да почне наредната година, а се уште не е познато кој ќе биде режисер, затоа што Кристофер Нолан изјави дека со „Издигнувањето на мрачниот витез“ својата приказна за Бетмен ја заврши засекогаш.