Руперт Сандерс поради аферата со главната актерка нема да го режира продолжението на филмот.

Таблоидите се насладуваа со приказната за секс аферата на Кристен Стјуарт и Руперт Сандерс за време на снимањето на филмот „Снежана и ловецот“. Кристен успеа да ја зачува својата врска, Сандерс бракот, но нивните кариери претрпеа тешки удари.

Стјуарт ќе се појави во продолжението на филмот, но продуцентите поради аферата му се заблагодариле на Сандерс за соработката.

Universal морал да избира меѓу режисерот и „Снежана“, но проценето е дека публиката полесно ќе поднесе нов режисер отколку нова главна актерка.

Крис Хемсворт ќе ја репризира својата улога на Ловецот во филмот чие снимање почнува наскоро.