Режисерот на филмот Django Unchained во итнервју за едно списание рече дека не сака да сними филмови под старите денови.

Тарантино во интервју за Playboy рече дека ќе престане да режира, по својот дваесетти филм.

„Режисерите треба да престанат да снимат кога ќе остарат. Во главно последните четири филмови кои ги снимаат се најлоши. Ја сакам режијата, но еден лош филм во кариерата, може да расипе три добри“, рече режисерот.

На прашањето зошто не сака гледачите да го видат неговиот развој кога ќе влезе „во години“, тој изјави дека ако има нешто да каже, можеби и ќе направи некој филм, но дека го подвлекува тоа, дека нема да биде „стар режисер“.

Неговиот филм Django Unchained кон крајот на декември треба да ја доживее својата светска премиера.