Погледнете го трејлерот за новата авантура во продукција на Дизни која во кино-салите стигнува следната година.

„Оз: Голем и моќен“ е филм на Сем Раими, а главните улоги ги толкуваат Џејмс Франко, Мила Кунис, Рејчел Вајс, Мишел Вилијамс и други.

Кога Оскар, ситен маѓионичар со сомнителен морал случајно завршува во живописната земја Оз, ќе мисли дека лажицата му паднала во мед се додека не ги запознае трите вештерки.

Оскар несакајќи ќе се вплетка во сите неволји на Оз, под будното око на вештерките кои не се сигурни дали тој е големиот волшебник кој од секогаш се го чекале.

Со помош на илузија и проникливост, па дури и малку волшебништво, ќе стане не само Волшебникот од Оз, туку и подобар човек.

Филмот во кино салите стигнува во март следната година.