Тренерите за животни за филмската трилогија "Hobit" ја оптужија продуценската куќа Wingnut films дека е одговорна за смрт на 27 животни кои се чувани во несоодветни услови...

Тие за агенцијата АР изјавиле дека земјата на фармата каде биле чувани животните била полна со дупки, стрмни и карпести делови, каде што животните се повредувале.

Портпаролот на компанијата Wingnut films, Метју Дравицки одговорил на оптужувањето велејќи дека ова продуценска куќа потрошила повеќе од стотина илјади долари на подобрување на сместувањето на животните по смртта на два коња во 2011 година.

"Знаеме дека смртта на тие животни би можела да се избегне и преземавме чекори за тоа да не се повтори".

Тој додал и дека компанијата повеќе не ја држи споменатата фарма, како и дека на неа нема животни кои се користат за снимање.