Актерот вели дека сценариото за третиот дел од серијалот е при крај, но дека тој и Роберт Дауни Џуниор се многу зафатени со други проекти, па не е баш сигурен кога ќе почне снимањето.

Роберт како Шерлок Холмс и Џуд како доктор Вотсон го освоија светот со единственото портретирање на детективот и неговиот помошник, а сетоа тоа под режисерското стапче на Гај Ричи. И третиот дел ќе го сними истата екипа, а снимањето би требало да почне, најрано, кон средината на следната година.

„Ние сме одличен тим и му се радувам на третиот дел затоа што имаме уште многу работи за кажување. Меѓутоа, Роберт и јас сме многу зафатени дечки, па не знам кога ќе почнеме да го снимаме Шерлок“, вели Џуд.

Џуд Ло моментално се подготвува за снимањето на „Големиот хотел Будимпешта“ на Вес Андерсон, во кој ќе глуми и Џони Деп, а Роберт Дауни Џуниор за новата филмска верзија на „Пинокио“ на артистичкиот режисер Тим Бартон.