Режисерот на новиот документарен филм за бендот The Rolling Stones, Брет Морган, наводно работи на филм за фронтменот на бендот Nirvana, Курт Кобејн, и тоа во соработка со сопругата на Кобејн, Кортни Лав.

„Кортни ме воведе во ова и работиме на ова речиси 5 години. Мислам дека сега е вистинското време за тоа и се надевам дека премиерата ќе биде во 2014 година“, рече Морган за странските медиуми.

Според неговата приказна, филмот ќе биде „некој вид на автобиографија од трето лице“.

„Ќе биде како Курт да е тука и дека снима филм за својот живот“, рече Морган.

Кобејн, наводно, често се снимал себе и покрај тоа што бил одличен музичар, бил и добар филмаџија.

Режисерот Гас Ван Сант во 2005 година сними своја верзија на приказната за Курт Кобејн, приказната „Последните денови“.

Пејачот на бендот Nirvana се уби во 1994 година.

Неговата жена, Кортни Лав, беше водач на групата Hole, а се појави во неколку филмови од кои најзначајни се „Народот против Лери Флинт“, за кој доби Златен глобус, и „Човек на месечината“.